முகவை அப்பாஸின் விளக்கம் சரியா

முகவை அப்பாஸின் விளக்கம் சரியா
முகவை அப்பாஸின் விளக்கம் என்ற தலைப்பிட்டு ஒரு செய்தி குழுமங்கள் வழியாகப் பரப்பப்பட்டு வருகிறது. அந்த விளக்கத்தைப் பார்க்கும் போது முகவை அப்பாஸுக்கு தவ்ஹீத் ஜமாஅத் அநீதி இழைத்து விட்டது என்று தான் மக்கள் புரிந்து கொள்வார்கள். எனவே அவரது விளக்கம் குறித்து பீஜே அவர்களிடம் கேட்ட விளக்கத்தை இங்கே நான் பதிவு செய்கிறேன்.
முகவை அப்பாஸின் விளக்கம் இது தான்.
சகோதரர் முகவை அப்பாஸின் உண்மை விளக்கம்.
அல்லாஹ்வின் திருப்பெயரால்...அன்பு சகோதருக்கு அஸ்ஸலாமு அலைக்கும் வரஹ்...
கடந்த 2005 .ஜூலை மாத இறுதியில், மாதம் நான்காயிரம் சம்பளம் மற்றும் மாதம் ஐந்துநாள் விடுமுறை அந்த ஐந்து நாட்களில் நான் ஊர் சென்று வருவது[எனது குடும்பம் எனது ஊரில் இருந்தபடியால்] என்ற ஒப்பந்தத்தின் பேரில் நாம் தலைமையில் பணிக்கு சேர்ந்தோம். அங்கு எமக்கு பல்வேறு பணிகள் தரப்பட்டன அதில் ஒன்று தொலைபேசி தொடர்பு. அதாவது தலைமையின் தகவல்களை நிர்வாகிகள் கட்டளைப்படி மற்றவர்களுக்கு சொல்வது; வரும் அழைப்புகளை வரவேற்று யார் என்ன கோரிக்கை வைக்கிறார்கள் என்பதை உரிய நிர்வாகிகளின் கவனத்திற்கு கொண்டு சென்று அதை தீர்த்து வைப்பது. இதற்காக ஒரு லேண்ட் லைன் போனும்-ஒரு மொபைல் போனும் எனது மேற்பார்வையில் தரப்பட்டது. இது போக எனது சொந்த உபயோகத்திற்காக ஒரு பழைய போனும் என்னிடம் உண்டு.
பின்னாளில் அது பழுதாகவே, பீஜேயின் மகன் முஹம்மது எனபவரின் கடையில் எனது சொந்த உபயோகத்திற்காக புதிய போன் ஒன்று வாங்கினேன். அதைப்பார்த்த பீஜே, என்ன அப்பாஸ் போன்லாம் புதுசா இருக்கு என்றார். அப்போது ஆமாண்ணே! நம்ம முஹம்மது கடையில்தான் வாங்கினேன் என்றேன். இதை இங்கே குறிப்பிடுவதற்கு காரணம் எனது சொந்த உபயோகத்திற்காக ஒரு போன் என்னிடம் இருந்தது என்று நீங்கள் புரிந்து கொள்ளவே!
சரி விஷயத்திற்கு வருவோம்; அலுவலகத்திற்கு வரும் போனில் தொடர்பு கொள்பவர்களில் பெண்களும் உண்டு. அவர்கள் அவசியமான விஷயங்களை மட்டும் என்னிடம் சொல்வார்கள். அவர்கள் சொல்லும் தகவலை அடிப்படையாக கொண்டு நிர்வாகிகளிடம் தகவல் சொல்லி அவர்களின் கோரிக்கைகள் நிறைவேற்றப்படும். இன்னொரு வகையான கால்கள் எனது பொறுப்பில் உள்ள அலுவலக மொபைலுக்கு வரும். அது பீஜே மற்றும் பாக்கர் இருவரும் தேவைப்படும்போது எனது பொறுப்பில் உள்ள அலுவலக் மொபைலுக்கு 'டைவேர்ட்' செய்யும் கால்கள். அது தான் எனது வாழ்க்கையையும் 'டைவேர்ட்' செய்தவை. ஆம் இந்த இரு 'பரிசுத்தவான்களுக்கு' பெரும்பாலும் பெண்களின் அழைப்பே வரும். அதுவும் குலைந்து பேசும் டைப் பெண்கள்' அதில் பீஜேயை பற்றி இங்கே குறிப்பிட இது சமயமில்லை. அவர் என்னை தொடர்ந்து சீண்டினால் பின்னர் அம்பலப்படுத்துவோம் இன்ஷா அல்லாஹ்.
இதில் பாக்கருக்கு வந்த போனில் ஒரு பெண் பேசுகிறார். அவர் ஆரம்பமாகவே என்னை பாக்கர் என நினைத்துக்கொண்டு, 'என்னங்க போன் பண்றேன்நு சொன்னீங்க! எவ்ள நேரமா நான் காத்துக்கிட்டு இருக்கிறது? என்று சற்று கொஞ்சலாக கேட்டார். அப்போது நான் முகவை அப்பாஸ் என்று என்னை அறிமுகப்படுத்திய பின், நீங்கள் யார் பேசுகிறீர்கள்? உங்கள் விசயமாக பாக்கரிடம் என்ன சொல்லவேண்டும் என்று கேட்டேன். அதற்கு அந்த பெண் இல்லை நான் அவர்ட்டயே பேசிக்கிறேன் என்று கட பண்ணிவிட்டது. பின்பு ஒருநாள் இதுபோல் பாக்கர் நிர்வாக மீட்டிங்கில் இருந்தபோது என்னிடத்தில் போனை தந்து கால் வந்துச்சுனா யார்னு கேட்டு பிறகு என்னிடத்தில் சொல் என்றார். சற்று நேரத்தில் அந்த பெண் லைனில் வந்தது நான் பாக்கர் நிர்வாக மீட்டிங்கில் இருப்பதாகவும் என்ன சொல்லவேண்டும் என்றபோது, தனது பெயரை மட்டும் சொல்லி பாக்கரிடம் சொல்லுங்க அவருக்கு தெரியும் என்றது.
இவ்வாறாக அந்த பெண் பாக்கரை தொடர்பு கொள்ளும் பல சமயங்களில் சில சமயங்கள் நான் எடுக்கும் நிலை வரும்போது அந்த பெண் என்னோடு சகஜமாக தன்னை பற்றி கூறும் அளவுக்கு வந்துவிட்டார். அதாவது தான் ஒரு விதவை [கணவர் தற்கொலை செய்து கொண்டாராம்] என்றும் தனது இரு சகோதரிகள் மற்றும் தாய் ஆகியோரும் விதவை என்றும், தான் பாக்கரை தீவிரமாக காதலிப்பதாகவும் அவரை திருமணம் செய்யப்போவதாகவும் அதற்கு அப்பாசாகிய நீங்களும் ஹெல்ப் செயயவேண்டும் என்றார்கள். அப்போது நான் பாக்கரை நீங்கள் விரும்பலாம் ஆனால் பாக்கர் உங்களை விரும்புகிறாரா? என்று கேட்டேன். அதற்கு அந்த பெண், ஆம்! நான் அவருக்கு போனில் முத்தம் தந்துள்ளேன். அவர் என்னிடம் 'ஐஸ் குச்சி வேணுமா..? என்று கேட்கும் அளவுக்கு நாங்கள் நெருக்கம் என்றார் அந்த பெண்.
அப்போது நான் இல்லை நான் நம்ப மாட்டேன் பாக்கர் அப்படிப்பட்டவர் அல்ல என்றேன். உடனே அந்த பெண் பாக்கர் தனக்கு அனுப்பிய ஒரு மேஜெசை எனக்கு பார்வேர்ட் செய்தது. அதில் பாக்கர் என்னில் இருந்து அனுப்பப்பட்ட ஒரு ரோஜா பூவும், ரோஸ் பார் யூ என்ற வாசகமும் இருந்தது. பின்னாளில் அலுவலகம் எனக்கு தந்த மொபைலுக்கே அந்த பெண் போன் செய்து பேச ஆரம்பித்து விட்டது. நான் பாக்கருக்கு போன் பண்ணுனேன் அந்த லூசு எடுக்க மாட்டக்குது என்று சொன்னார்கள் நான் தெரியாது என்றேன்.
பிறகு காஞ்சிபுரம் தேர்தல் பிரச்சார கூட்டத்திற்கு நான் பாக்கருடன் சென்றுகொண்டிருக்கும் போது எனக்கு அந்த பெண் போன் செய்து பாக்கர் எங்கே என்றது? நான் பாக்கருடன் காஞ்சிபுரம் போய்க்கொண்டு இருக்கிறோம் என்றேன். அதற்கு பாகர் என்னை விரும்புகிறார்ன்னு சொன்ன நம்ப மாட்டீங்கன்னு சொல்ரீங்கள்ள இப்ப பாருங்க நான் பாகக்ருடன் பேசுறேன் பாருங்க என்று சொல்லிவிட்டு அடுத்த் நொடியே பாக்க்கரின் லைனில் வந்தது. பாக்கர் அப்பெண்ணுடன் ஒருமையில் சகஜமாக பேசிக்கொண்டிருந்தார். அப்போது எனக்கு புரிந்துவிட்டது.
எனவே பின்னொருநாள் அந்த பெண் எனக்கு போன் செய்து தனது போட்டோ மட்டும் பயோடேட்டாவை அனுப்பியிருப்பதாகவும் அதை பாக்கரிடம் சேர்த்து விடுமாறும் சொன்னது. [தலைமையின் தபால் போக்குவரத்தும் எனது பணியே] அந்த தபால் வந்தவுடன் அதை பாக்கரிடம் கொடுத்தவுடன் அவர் எங்கள் முன்பாகவே அதை பிரித்து பார்த்தார் அப்போது நான் என்னன்னே! ரெண்டாவதா முடிச்சுர வேண்டியதுதானே என்றேன். அப்போது அவர், என் மனைவியின் இடத்தில் வேறு யாரையும் கொண்டு வரமாட்டேன் என்றார். அப்போது தான் எனக்கு பிடிபட்டது ஆகா!
இவர் அந்த பெண்ணுடன் கடலை போடுவதற்காக பயன்படுத்துகிறார் என்று. மறுபுறம் பாக்கரை படு தீவிரமாக அந்த பெண் காதலித்து கொண்டும் பாக்குடன் வாழ்வதாகவே கற்பனை பண்ணிக்கொண்டும் இருக்கிறது. எனவே அடுத்த முறை எனது லைனுக்கு வந்தபோது, நான் பட்டுபடாமல் பாக்கரின் செய்தியை சொன்னேன் அதாவது பாக்கர் உள்ளிட்ட பிரமுகர்களுக்கு வசதியும் மார்க்க அனுமதியும் இருந்தாலும் அவர்கள பெரும்பாலும் ரெண்டாவது திருமணம் செய்துகொள்ள மாட்டார்கள் காரணம் சமுதாயத்தில் அவர்களது இமேஜ் பாதிக்கப்படும் என்று கருதுவார்கள் என்று சொன்னேன் அப்போது புரிந்துகொண்ட அந்த பெண் அழுதுகொண்டே எனது முதல் கணவர்முடிவுதானா அப்படியாகி விட்டது என்றால் நான் ஆசைப்பட்டது எல்லாமே தோல்வியில் முடிந்தால் ஒரு பெண்ணால் எப்டி தாங்கி கொள்ளமுடியும் என்றது. எனக்கோ பரிதாபமாக இருந்தது ஆறுதல் சொல்லிவிட்டு லைனை துண்டித்தேன்.
அதுவரை அந்த பெண்ணின் மீது எனக்கு எந்த கெட்ட எண்ணமும் இருந்ததில்லை. அந்த பெண்ணின் பரிதாப நிலை அவர்கள் குடும்பத்தில் அனைவரும் விதவை எனற நிலை எனவே நாம் ஏன் அந்த பெண்ணை இரண்டாம் திருமணம் செய்து கொள்ளக்கூடாது என்று எனது உள்ளத்தில் அப்போது உதித்தது. அதை அந்த பெண்ணிடம் வெளிப்படுத்தியபோது ஆரம்பத்தில் கடுமையாக மறுத்தாலும் பாக்கர் திருமணம் செய்யமாட்டார் என்பது உறுதியான நிலையில் நம் ஏன் அவரை நினைத்து கொண்டிருக்கவேண்டும் என்ற மனநிலைக்கு அந்த பெண் வந்து ஒரு நாள் எனக்கு போன் செய்து அப்பாஸ் நான் உங்களை விரும்புகிறேன் என்றது. பிறகு எங்கள் இருவருள்ளும் போன் தொடர்பு ஏற்பட்டது எனது சொந்த போனில் இருவரும் பேசிக்கொள்வோம். இதற்காக இரு நம்பர்களுக்கு மத்தியில் ஒரு நிமிடத்திற்கு பத்து பைசா எனும் திட்டம் உள்ள சிம் வாங்கி அந்த பெண்ணுக்கு அனுப்பினேன். எங்கள் இருவரது நம்பரும் அடுத்தடுத்த நம்பர்கள்.நாங்கள் இருவரும் எனது சொந்த போனில் மட்டுமே பேசிக்கொள்வோம். இதற்கிடையில் அந்த பெண்ணின் தாயாரிடம் போனில் பேசி எங்கள் திருமணத்திற்கு சம்மதமும் பெற்றுவிட்டேன்.
அந்த நேரத்தில்தான் ஷைத்தான் தான் கைவரிசையை காட்டினான்.கல்யாணம் உறுதி என்றதும் நாங்கள் நெருக்கமாக பேசிக்கொள்ள தொடங்கினோம். அப்படித்தான் ஒருநாள் இரவில் அந்த பெண் மிஸ்கால் தர நான் எனது சொந்த மொபையிலில் இருந்து பேசினேன் காசு தீர்ந்துவிட்டது. எனவே அலுவலக லேண்ட் லைனில் பேசினேன் இது போன்று சில நாட்கள் தொடர்ந்தது. அப்போது எத்தனை நிமிடம் அலுவலக போனில் பேசினோம் என்பதை கணக்கிட்டு, அலுவலக கணக்காளராக இருந்த மதுரை பெரியவரிடம் நான் காசு கொடுத்துவிடுவேன்.அவ்வாறு கடைசியாக சில நாட்கள் பேசப்பட்ட தொகை சுமார் முன்னூறு ரூபாய்கள் அளவுக்கு தரவேண்டிய தொகை தருவதற்கு உள்ளாகவே நான் எனது ஊருக்கு சென்றுவிட்டேன்.
நான் ஊருக்கு சென்ற பின்னால் பில் வந்தபோது அதுதான் சர்ச்சையாகி இப்போது பல நாள்,பலமணி நேரம் என்று பீஜே கதை விட காரணமாகிவிட்டது. இதற்கிடையில் அந்த பெண்ணிடம் நான் ஒரு நிபந்தனை விதித்தேன். அதாவது நீங்கள் பாக்கர் உள்ளிட்ட ய்யாரிடமும் போனில் பேசக்கூடாது என்று. சரி! என்று அப்பெண்ணும் அல்லாஹ்வின் மீது சத்தியமிட்டது. ஆனால் பாக்கர் அவர் தம்பி நானா உள்ளிட்ட சிலருடன் பேசியதை நான் அறிந்துகொண்டேன், எனவே இதையொட்டி எனக்கும் அப்பெண்ணுக்கும் மனக்கசப்பு தோன்றி மறையும்.
இதற்கிடையில் அலுவலகத்தில் நிர்வாகிகளுக்கென ஒவ்வொரு சிம் வழங்கப்பட்டு இருந்தது அதற்கு அடிப்படை வாடகை மட்டும் அலுவலகம் கட்டும்[பீஜேவுக்கு விதிவிலக்கு] கூடுதலாக வரும் கட்டணத்தை சம்மந்தப்பட்ட நிர்வாகிகள் கட்டவேண்டும் என்ற நிபந்தனை. பின்னாளில் அலுவலகம் எந்த கட்டணமும் கட்டாது மொத்த பில்லையும்சம்மந்தப்பட்டவர்தான் கட்டவேண்டும் என்று அறிவிக்கப்பட்டவுடன் பெரும்பாலான நிர்வாகிகள் சிம்மை அலுவலகத்தில் ஒப்படைத்து 'கேன்சல்' செய்யுமாறு கூறிவிட்டனர். அவ்வாறு பாக்கரும் தனது சிம்மை என்னிடம் தந்துவிட்டு துபாய் சென்றுவிட்டார். நான் அந்த சிம்மை எனது போனில் போட்டு இந்த பெண் பாக்கரை தொடர்பு கொண்டுள்ளதா என்று பார்த்தேன். அப்போது அந்த பெண் பாக்கருக்கு அனுப்பிய கண்ணோடும் நெஞ்சோடும் என்று காதல் ரசம் பொழியும் கவிதையை பார்த்தேன் உடனே அப்பெண்ணுக்கு போன் செய்து அல்லாஹ்வின் மீது சத்தியமாக பேசமாட்டேன் என்றாய் ஆனால் இப்படி கவிதை அனுப்பியுல்லாயே என்றேன் அதையொட்டி எங்கள் இருவருக்கும் ஏற்பட்ட மனக்கசப்பு நிரந்தர பிரிவுக்கு வழிவகுத்தது.
அதற்காக் அந்த பெண் ஒழுக்கம் சரியில்லாதவர் என்று கூறமாட்டேன். ஆனால் பாக்கரை அந்த பெண்ணால் மறக்க முடியவில்லை என்பதும், நானா உள்ளிட்ட பலரிடம் வெட்டியாக பேசுவதும் அந்த பெண்ணின் பலவீனம். அது எனக்கு பிடிக்கவில்லை. இதற்கிடையில் ஊருக்கு சென்ற நான் சிக்குன் குனியா நோயினால் பாதிக்கபப்ட பணிக்கு திரும்ப பத்து நாட்களுக்கு மேல் ஆகிவிட்டது. அதற்குள் டெலிபோன் பில் பீஜேயின் பார்வைக்கு போய் அவர் பாக்கரிடம் சொல்லி பாகருக்கு அது அறிமுகமான நம்பர் என்பதனால் அந்த பெண்ணை தொடர்பு கொண்டு கேட்க, என் மேல் தப்பில்லை. அப்பாஸ் தான் என்னை கல்யாணம் பண்ணிக்கிறேன் என்று டார்ச்சர் பண்ணினார் என்று பல்டியத்த்துவிட்டது.
நான் ஊரில் இருந்து வந்தவுடன் பாக்கர் என்னை தக்வா ஹஜ் சர்வீசுக்கு அழைத்தார். அங்கு ஒரு அறையில் கோவை ஜாபருடன் இருந்தார்.வேறு யாரும் அங்கு இல்லை. பின்பு பாக்கர் என்னிடம், என்ன அப்பாஸ் நீங்க எவ்வளவு பெரிய பொறுப்புல இருக்கீங்க! ஒங்களுக்கு குடும்பமும் இருக்குது நீங்க இப்படி செய்யலாமா? என்று இந்த போன் விஷயத்தை சொன்னார். அதோடு அந்த பொண்ணு நல்லவ இல்ல அப்பாஸ் மொதல்ல என்னிட்ட கடலை போட்டா!. ! இப்ப என் தம்பி [நானா] அவளை தொரத்திக்கிட்டு திரியிறான் என்றார்.
அப்போது நான், அண்ணே நான் அந்த பெண்ணிடம் போனில் பேசியது உண்மை கல்யாணம் பண்ணிக்கிரணும் என்றுதான் பேசினேன். ஆனாலும் நான் வகித்த பதவிக்கு உரிய தகுதியை இழந்துவிட்டேன். எனவே நான் விலகிக்கொள்கிறேன் என்றேன். உடனே பாக்கர் அப்பாஸ் நீங்க எங்க போகப்போறிங்க பேசாம இருங்க தப்பு பன்றது மனித இயல்புதான், இந்த விசாரணையை நீங்க திருந்திக்கிற ஒரு வாய்ப்பா எடுத்துக்கங்க! எனவே நீங்க வழக்கம்போல் பணியை செய்யுங்க. நீங்க ஆபிஸ் போன்ல பேசுன தொகையை அலுவலகத்துல கட்டிடுங்க! ஆனா கொஞ்ச நாளைக்கு போன் மட்டும் நீங்க அட்டன் பன்னவேனாம் என்றார். மற்ற பணிகள் அனைத்தையும் செய்யுங்க என்றார்.
எனவே மீண்டும் நாம் சுமார் இரு மாதங்கள் வரை பணியில் இருந்தோம். பணியில் இருக்கும் போதே வெளிநாடு போவதற்காக ஒரு தவ்ஹீத் சகோதரரிடம் பாஸ்போர்ட்டை தந்து இருந்தோம். இதற்கிடையில் ஹஜ் பெருநாள் வருகிறது. அதற்கு நான் ஊருக்கு போகவேண்டும் என்று அலுவலக பொறுப்பாளர் தவ்பீக் இடம் நான் லீவ் லெட்டர் தருகிறேன் அப்போது அவர் ஆள் இல்லையே, சுபைர் போறார் இக்பால் லீவு வேனும்கிறார், மதுரை பெரியவர் போறார் எனவே ஆள் இல்லை என்கிறார் நான் வலியுறுத்தி கேட்டபின் ஐந்து நாட்கள் லீவு தருகிறார். நான் ஹஜ் பெருநாளைக்கு ஊருக்கு போகிறேன். ஊரில் இருக்கும் நிலையில் எனது வெளிநாடு பயணத்திற்காக திருச்சி போகுமாறு ஏஜென்ட் சொல்கிறார் நான் திருச்சி போய் விட்டு வந்த பின் இன்னும் ஒரு மாதத்திற்கு உள்ளாக பயணம் என்கிறார் ஏஜென்ட். அப்போது நான் தவ்பீக்குக்கு போன் செய்து நான் ஒரு மாதத்தில் பயணம் செல்ல வேண்டியிருக்கும் எனவே நான் தலைமைக்கு வந்தாலும் ஒரு மாதம்தான் வேலை பார்க்கமுடியும் எனவெ நான் வரவேண்டும் என்று நீங்கள் சொன்னால் வருகிறேன் என்றேன் .
அதற்கு அவர், இருங்க பாக்கரிடம் கேட்டு சொல்றேன் என்று சொன்னவர் அடுத்த ஐந்து நிமிடத்தி;ல் எனக்கு போன் செய்தார். நான் பாக்கர் இடம் கேட்டேன் அவர் ஒரு மாதம் வந்து என்ன செய்ய அதுனால வெளிநாடு போறவன் குடும்பத்தோட இருக்கட்டும்னு சொல்லிட்டாரு என்று தவ்பீக் சொல்லிவிட்டு நீங்கள் முறைப்படி ஒரு ராஜினமா கடிதம் அநிப்பி வைச்சிருங்க என்று சொல்றார். நான் ஒரு ராஜினாமா கடிதம் அனுப்பிவைத்தேன். பின்பு வெளிநாடு விஷயமாக நான் சென்னை வந்தபோது சென்னையில் அலுவலகத்தில் ஒருமுறை பாக்கரை சந்தித்தபோது அண்ணன் மறுபடியும் ஒங்களை ரீகால் அதாவது திரும்ப கூப்புட சொல்றாக என்றார்! அப்ப நான் அண்ணே! velinaattu பயணத்தில் இறுதி கட்டத்தில் நான் இருக்கிறேன் என்றேன். சரி பரவாயில்லை என்றார்.
பின்பு நான் பயணத்தின்போது அலுவலகத்தில் பீஜே முனிர் சித்தீக் பாக்கர் உள்ளிட்ட சில நிர்வாகிகளை சந்தித்து பயணம் சொல்கிறேன் அப்போது பீஜே, அருகில் இருந்த சுபைர் என்பவரிடம் அப்பாசை நம்ம ஆபீஸ் வண்டியில் ஏர்போர்ட்டுல விட்டுட்டு வர ஏற்பாடு செய்யுங்க என்கிறார். அதோடு என்னிடம் நீங்க குவைத் ததஜ வுக்கு தலைவர் ஆகி விடுங்க என்கிறார்.பின்பு அலுவலக காரில் நான் விமான நிலையம் வந்து குவைத் வந்தேன்.
இதன் மூலம் நான் சொல்ல வருவதும் கேட்க விரும்புவதும்;
• நான் அலுவலக போனில் பேசியதை மறுக்கவில்லை. அதற்கு நான் பணம் கட்டியுள்ளேன் . அதை மறைத்து நான் ஆபீஸ் போன் கட்டணம் உயர காரணமாக இருந்தேன் என்று பீஜே சொல்வது சரியா?
• நான் அந்த பெண்ணை திருமணம் செய்யும் நோக்கில்தான் பேசிக்கொண்டோம். ஆனாலும் ஏனோ அது நிறைவேறவில்லை. இருப்பினும் திருமணம் ஆகும்வரை அந்த பெண் எனக்கு அந்நிய பெண்தான் என்பதை நான் மறந்தது தப்புதான்.
• மேற்கண்ட விசாரணைக்கு பிறக்கும் நான் ஆபீஸில் பணியாற்றி பின்பு வெளிநாடு பயணத்திற்காக ராஜினாமா செய்திருக்க, எண்ணி இழிவு படுத்த வேண்டாம் நானாக விலகிக்கொள்கிறேன் என்று நான் கூறியதாகவும் அதனால் கண்ணியமாக விடுவித்தோம் என்று பீஜே கூறுவது அப்பட்டமான பொய்யல்லவா?
• பீஜேயின் கூற்றுப்படி குற்றவாளியான எனக்கு எதற்கு அலுவலக கார் ஏற்பாடு செய்தார்?
• பீஜேயின் கூற்றுப்படி 'பாக்கரிசம்' உடைய என்னை எதற்காக குவைத் ததஜ தலைவர் ஆக சொன்னார்..?
• குவைத் நிர்வாகிகளிடம் பலமுறை என்னை பற்றி விசாரித்ததோடு, அப்பாஸ் ஜமாத்துக்காக பாடுபட்ட ஆள். அவரை கவனமாக பார்த்துக்கொள்ளுங்கள் என்று ஏன் பீஜே சொன்னார்?
• அந்த விசாரணையின் போது நானே விலகிக்கொள்கிறேன் என்று சொன்ன போது இல்லை நீங்கள் மீண்டும் பணி செய்யுங்கள் என்று சொன்ன பாக்கர் இன்று நான் நீக்கப்பட்டதாக கூறுவது பொய்யல்லவா?
• நான் அந்த பெண்ணுடன் திருமணம் செய்யும் நோக்கில் பேசியிருந்தாலும் அந்த பெண்ணுடன் தொடர்பு ஏற்பட காரணம் பாக்கரின் லீலையல்லவா?, இப்போது அவர் பரிசுத்தவான் போலவும் இறக்கப்பட்டு வாழ்க்கை கொடுக்க நினைத்த நான் குற்றவாளி போலவும் பாக்கர் சொல்வது தவறல்லவா?
• குறிப்பு; இதில் சொல்லப்பட்டவைகள் கால சூழ்நிலை மாறி இருக்கலாம். ஆனால் சொன்ன செய்தி அனைத்தும் உண்மை .
இதில் சொல்லாத பல உண்மைகளும் உண்டு,
மேற்கண்ட செய்திக்கு பீஜேயின் விளக்கம்
முகவை அப்பாஸ் சொல்லக்கூடிய செய்தி உண்மை என்றால் அவரை விட பாக்கர் தான் அதிக நடவடிக்கைக்கு உரியவராகிறார்.
சுனாமி நிதி சம்மந்தமாக பாக்கர் மீது குற்றச்சாட்டு வந்த பின் நிதியாதாரங்களை நான் தான் கையாண்டு வந்தேன். அதே நேரத்தில் அலுவலக ஊழியர்கள் தொடர்பான பொறுப்பு அப்போது பாக்கரிடம் இருந்தது.
லேண்ட் லைன் தொலைபேசி பில் என் பார்வைக்கு வந்த போது குறிப்பிட்ட் ஒரு எண்ணுக்கு நள்ளிரவு நேரத்தில் பல தடவை போன் போடப்பட்டது அந்த பில்லில் இருந்து தெரிந்தது.
எனவே இது குறித்து அலுவலக ஊழியர் விஷயத்தில் பொறுப்பாளராக இருந்த பாக்கரிடம் நான் இது குறித்து தெரிவித்தேன். நள்ளிரவில் பேசப்பட்டுள்ளதால் அது நிச்சயம் ஜமாஅத் பணியாக இருக்காது. அதுவும் விசாரிக்கப்பட வேண்டும். அத்துடன் ஜமாஅதின் நிதியாதாரம் முறைகேடாகப் பயன்படுத்தப்பட்டுள்ளதையும் விசாரிக்க வேண்டும். நீங்கள் விசாரிக்கிறீர்களா? நான் விசாரிக்கட்டுமா என்று நான் பாக்கரிடம் கேட்டேன். அவர் பில்லை வாங்கிப் பார்த்து விட்டு அதை என்னிடம் விட்டு விடுங்கள். நான் விச்சரித்து நடவடிக்கை எடுக்கிறேன் என்று பாக்கர் கூறினார். அதன் பிறகு நான் அதை விட்டு விட்டேன்.
அவனை அப்பாஸை கடுமையாக எச்சரித்து விட்டேன். அவன் பணியில் இருக்கக் கூடாது என்றும் தெரிவித்து விட்டேன். அவன் யாரிடம் பேசினான் என்பதைக் கண்டு பிடித்து விட்டேன். ஒரு பெண்ணிடம் தகாத முறையில் பேசுவதற்கு ஆபீஸ் போனை அவன் பயன்படுத்தியுள்ளான். அவன் ராஜினாமா செய்து விட்டு போய் விடுவான். அதற்கு சின்ன அவகாசம் கேட்டுள்ளான். இனி போனை அட்டன் பண்ணக் கூடாது என்ற நிபந்தனையுடன் அவனுக்கு சிறிது அவகாசம் கொடுத்துள்ளேன் அதை நான் பார்த்துக் கொள்கிறேன் என்று பாக்கர் என்னிடம் தெரிவித்தார்.
ஆனால் அப்பாஸ் இப்போது கூறிய செய்திகளை என்னிடம் அப்போதே கூறியிருக்க வேண்டும். அதுவும் அவரது சொந்த அலுவலகத்துக்கு வரச் செய்து பாக்கர் விசாரித்ததும் அவருடைய பாலியல் தொடர்பும் என் கவனத்துக்கு அப்பாஸ் கொண்டு வந்திருக்க வேண்டும். அப்பாஸின் இந்த விளக்கத்தை நான் பார்க்கும் வரை இந்த விஷயம் எனக்குத் தெரியாது. ஆனால் அப்பாஸின் விளக்கத்தைப் பார்த்த பின் கலீல் ரசூலிடம் இப்படி ஒரு மெயில் வந்துள்ளது என்று பேசிக் கொண்டிருந்த இந்த விஷயம் ஆபீஸில் பணியாற்றிய ஜுபைர் மூலம் எனக்கு முன்னரே தெரியும் என்றார்.
எனவே இந்த விஷயத்தை அப்பாஸ் அப்போதே என்னிடம் தெரிவித்திருக்க வேண்டும்,. அவர் தெரிவிக்காவிட்டால் பாக்கர் என்னிடம் தெரிவித்த செய்தி மட்டும் தான் எனக்குக் கிடைக்கும் என்பதைக் கூட அவர் ஏன் புரிந்து கொள்ளவில்லை.
இப்போது பாக்கர் மீது எடுக்கப்பட்ட நடவடிக்கை அப்போதே எடுக்கப்பட்டிருக்கும்.
பாக்கர் எனக்குச் சொன்ன தகவல் நடவடிக்கை எடுத்து அவனை நீக்கி விட்டேன். சிறிது அவகாசம் கொடுத்துள்ளேன் என்பது தான்.+
அப்பாஸ் தரப்பு செய்தி எனக்குத் தெரியாத போது அவர் என்னை அன்றாடம் சந்தித்து பேசும் வாய்ப்பில் இருந்தும் என்னிடம் சொல்லத் தவறியதால் மனிதன் என்ற முறையில் பாக்கர் சொல்வதைத் தான் நான் நம்ப முடியும்.
பொதுவாக ஜமாஅத்தில் இருந்து சில காரணங்களுக்காக சிலர் நீக்கப்பட்டுள்ளனர். அவ்வாறு நீக்கப்பட்ட யார் மீதும் நான் வெறுப்புக்காட்டுவதில்லை. தவறுக்காக நடவடிக்கை எடுக்கப்பட்டு அதற்குக் கட்டுப்பட்டு ஜமாஅத்துக்கு எதிராக செயல்படாதவாரை நான் அவர்களுடன் கருணையோடு தான் நடந்து கொண்டிருக்கிறேன். நான் யாரையாவது பணியில் இருந்து நீக்கினால் அவரை அழைத்து ஜமாஅத் தலைவன் என்ற முறையில் இது என் மீது கடமை. ஆனால் இதனால் உங்கள் வருவாய் பாதிக்கப்படலாம். வேறு நிறுவனங்களில் உங்களைச் சேர்த்து விடட்டுமா? அல்லது வேறு வேலை கிடைக்கும் வரை உங்களுக்கு உதவித் தொகை கிடைக்க ஏற்பாடு செய்யட்டுமா எனக் கேட்டு அதற்கேற்ப செய்தும் கொடுத்த்யுள்ளேன்.
எனக்கு பாக்கர் சொன்ன தகவல் படி அப்பாஸ் நீக்கப்பட்டவர் என்பது தான். ஆனாலும் அவர் செய்த பணிகளை நினைவு கூர்ந்து அவரது தேவைகள் பற்றி விசாரித்தேன். சொந்த வெறுப்பினால் இந்த நடவடிக்கை என்று அவர் நினைத்து விடக் கூடாது இதன் காரணமாக கொள்கையை விட்டு போகக் கூடாது என்பதற்காக அவர் குறிப்பிட்டது போல் அவரை மரியாதையாக நடத்தியது உண்மை தான். அவர்கள் இயக்கத்துக்கு எதிராகப் போகாதவரை இப்படி நடப்பது தான் என் இயல்பு. அப்பாஸ் ஜமாஅத்தில் வாங்கியிருந்த கடன் தொகையை தந்து விடுவதாக அவர் கூறிய போதும் வேலை இல்லாமல் இருக்கும் நீங்கள் சிரமப்பட வேண்டாம் என்று கூறி அதற்கும் மாற்று ஏற்பாடு செய்தேன். இது என் இயல்பு. அவர் மீது நடவடிக்கை எடுக்கப்பட்டது என்று தான் நான் கருதினேன் என்பதற்கு இது முரண் இல்லை. இது தான் என் இயல்பு.
நான் பொறுப்பில் இருந்து விலகிய பின் ஒரு ஊழியர் புது நிர்வாகத்தால் திடீரென நீக்கப்பட்டது என் கவனத்துக்கு கொண்டு வரப்பட்டது. நிர்வாகத்தில் நான் தலையிடக் கூடாது என்பதால் நீக்கப்பட்டவருக்கு தகுதியான ஒரு வேலையை ஏற்பாடு செய்து அவரை அழைத்து இதைத் தெரிவித்தேன். ஆனால் அவர் அதை விட அதிக சம்பளத்தில் வேறு வேலை கிடைத்து விட்டதாக கூறி விட்டார். என் இயல்பு இது தான் என்பதற்கு இதைக் கூறுகிறேன்.
இதெல்லாம் எனக்குத் தெரிந்திருக்கும் என்று அப்பாஸ் கருதியிருக்கிறார் என்பதும், இவர்களே கேடு கெட்டவர்களாக இருந்து கொண்டு என்னை நீக்கி விட்டார்களே என்னை விசாரிக்கிறார்களே என்று அவர் கருதியதால் ஜமாஅத் மீது வெறுப்பில் இருந்துள்ளார் என்பது தெரிகிறது. எனக்கு இந்த விபரங்கள் தெரிந்து நான் பாக்கருக்கு உடந்தையாக இருந்தால் தான் அவரது பார்வை சரியானதாக இருக்கும்.
நீக்கப்பட்டவரை விட நீக்க்கியவர் மோசமானவர் எனும் போது இது அப்பாஸுக்கு இழைக்கப்பட்ட அநீதி தான். ஆனால் அந்த அநீதி அவராகத் தேடிக் கொண்டது தான். பாக்கரைக் காப்பாற்றுவதற்காக அவர் ஏன் பழியைச் சுமக்க வேண்டும்? பாக்கரையும் கேள்வி கேட்கும் பொறுப்பில் நான் இருக்கும் போது அதை ஏன் என்னிடம் முறையிடத் தவற வேண்டும்?
போகிற போக்கில் அப்பாஸ் என் மீதும் குற்றம் சுமத்தும் வகையில் சில சொற்களை பயன்படுத்தியுள்ளார். பாக்கர் போல் என்னையும் சித்தரிக்கும் வகையில் அந்த வார்த்தை உள்ளது. பாக்கரைப் போல் என் மீது எதுவும் ஆதாரம் இருந்தால் அவர் தாராளமாக வெளிப்படுத்தலாம் என்பது தான் இதற்கான பதிலாகும்.
இவ்வாறு பீஜே தெரிவித்தார்